BPL:CHELSEA YAKWEA KILELENI MWA LIGI HIYO:

MATOKEO:

Jumamosi 5 Aprili 2014

Man City 4 Southampton 1

Aston Villa 1 Fulham 2

Cardiff City 0 Crystal Palace 3

Hull 1 Swansea 0

Newcastle 0 Man United 4

Norwich 0 West Brom 1

Chelsea 3 Stoke 0

CLUB ya Chelsea imefanikiwa  kurudi kileleni mwa Ligi Kuu England baada ya hii Leo kuitandika Stoke City Bao 3-0 Uwanjani Stamford Bridge na kukalia nafasi hiyo wakiwa Pointi 1 mbele ya Liverpool na mbili mbele ya Man City walio Nafasi ya 3 lakini wao wamecheza Mechi 1 zaidi ya Liverpool na 2 zaidi ya City.

Goli la Kijana mahiri wa Misri, Mohamed Salah, ambae Leo ndio alianza Mechi ya Ligi kwa mara ya kwanza alipofunga katika Dakika ya 3.

Frank Lampard alifunga Bao la Pili katika Dakika ya 61 baada ya Penati yake kuokolewa na Kipa Begovic na mwenyewe kuitokea tena na kumalizia.

Penati hiyo ilitolewa kufuatia Mohamed Salah kuangushwa na Andy Wilkinson ndani ya Boksi.

Willian alipachika Bao tamu la 3 katika Dakika ya 72 kwa Shuti safi nje ya Boksi.

LIGI KUU ENGLAND

RATIBA

[Saa za Bongo]

Jumapili 6 Aprili 2014

1530 Everton v Arsenal

1800 West Ham v Liverpool

Jumatatu 7 Aprili 2014

2200 Tottenham v Sunderland

MSIMAMO:

NA	TIMU	P	W	D	L	F	A	GD	PTS
1	Chelsea	33	22	6	5	65	24	41	72
2	Liverpool	32	22	5	5	88	39	49	71
3	Manchester City	31	22	4	5	84	29	55	70
4	Arsenal	32	19	7	6	56	37	19	64
5	Everton	31	17	9	5	49	31	18	60
6	Manchester United	33	17	6	10	56	38	18	57
7	Tottenham Hotspur	32	17	5	10	40	44	-4	56
8	Southampton	33	13	9	11	50	44	6	48
9	Newcastle United	33	14	4	15	38	51	-13	46
10	Stoke City	33	10	10	13	37	48	-11	40
11	West Ham United	32	10	7	15	36	42	-6	37
12	Hull City	33	10	6	17	34	40	-6	36
13	Aston Villa	32	9	7	16	35	48	-13	34
14	Crystal Palace	32	10	4	18	23	39	-16	34
15	Swansea City	33	8	9	16	45	49	-4	33
16	West Bromwich Albion	32	6	14	12	37	48	-11	32
17	Norwich City	33	8	8	17	26	52	-26	32
18	Fulham	33	8	3	22	33	74	-41	27
19	Cardiff City	33	6	8	19	29	64	-35	26
20	Sunderland	30	6	7	17	28	48	-20	25

SIMBA YABANWA NA KAGERA,HUKU MBEYA CITY IKIVUTWA SHATI NA ASHANTI

MATOKEO

Jumamosi Aprili 5

Kagera Sugar 1 Simba 1

Ashanti United 0 Mbeya City 0

Katika Michezo miwiili pekee iliyopigwa ya VPL, Ligi Kuu Vodacom, zilizochezwa LEO, Kagera Sugar na Simba zilitoka Sare ya Bao 1-1 huko Kaitaba, Mjini Bukoba na huko Azam Complex, Chamazi, kwenye Viunga vya Jiji la Dar es Salaam, Ashanti United ilitoka 0-0 na Mbeya City.

Huko Kaitaba, Simba walitangulia kufunga katika Dakika ya 45 kwa Bao la Zahor Pazi na Kagera Sugar kusawazisha Dakika ya 51 kwa Bao la Themi Felix.

Ligi itaendelea hapo kesho na zipo Mechi 4 ikiwemo ile ya Yanga v JKT Ruvu Uwanja wa Taifa Jijini Dar es Salaam.

VPL: LIGI KUU VODACOM

RATIBA:

Jumapili Aprili 6

Coastal Union v Mgambo JKT

JKT Oljoro v Tanzania Prisons

Rhino Rangers v Mtibwa Sugar

Yanga v JKT Ruvu

Jumatano Aprili 9

Ruvu Shooting v Azam FC

MSIMAMO:

NA	TIMU	P	W	D	L	GD	PTS
1	Azam FC	23	15	8	0	31	53
2	Yanga SC	22	13	7	2	26	46
3	Mbeya City	24	12	10	2	13	46
4	Simba SC	24	9	10	5	15	37
5	Kagera Sugar	23	8	10	5	3	34
6	Mtibwa Sugar	22	7	8	7	1	29
7	Coastal Union	23	6	11	6	0	29
8	Ruvu Shooting	21	7	8	6	-4	29
9	JKT Ruvu	23	9	1	13	-13	28
10	Ashanti United	23	5	7	11	-17	22
11	Mgambo JKT	22	5	6	11	-18	21
12	Prisons FC	22	3	10	9	-10	19
13	JKT Oljoro	23	2	9	12	-18	15
14	Rhino Rangers	23	2	7	14	-19	13

TAIFA STARS, BURUNDI KUCHEZA APRILI 26

Timu ya Taifa ya Tanzania (Taifa Stars) itacheza mechi ya kirafiki na Burundi (Intamba Mu Rugamba) Aprili 26 mwaka huu ikiwa ni sehemu ya maadhimisho ya miaka 50 ya muungano wa Tanganyika na Zanzibar.

Taifa Stars inayodhaminiwa na Kilimanjaro Premium Lager tayari ipo kambini Tukuyu mkoani Mbeya ikijiandaa kwa ajili ya mechi hiyo ikiwa na wachezaji waliopatikana katika programu maalumu ya kusaka vipaji.

Baadaye wachezaji wengine wa Taifa Stars ambao wapo nje ya programu ya kusaka vipaji wataungana na wenzao kabla ya kutengeneza kikosi cha mwisho kitakachoivaa Burundi.

Mechi hiyo itakayofanyika Uwanja wa Taifa, Dar es Salaam itachezeshwa na waamuzi wanaotambuliwa na Shirikisho la Kimataifa la Mpira wa Miguu (FIFA) kutoka nchini Kenya.

TIMU YA WATOTO WA MITAANI YACHACHAFYA BRAZIL

Timu ya Watoto wa Mitaani ya Tanzania imefanikiwa kuingia nusu fainali ya mashindano ya Kombe la Dunia yanayofanyika Rio de Janeiro nchini Brazil baada ya jana kuifunga Indonesia kwa jumla ya mabao 5-3.

Hadi muda wa kawaida wa mchezo huo unamalizika timu hizo zilikuwa zimefungana mabao 2-2 ndipo ikatumia mikwaju ya penalti kuamua mshindi. Tanzania ilipata penalti tatu dhidi ya moja ya wapinzani wao.

Kwa matokeo hayo, Tanzania sasa itacheza mechi ya nusu fainali leo dhidi ya Marekani ili kupata timu zitakazocheza mechi za fainali na kutafuta mshindi wa tatu. Mechi za fainali na kutafuta mshindi wa tatu zitachezwa kesho (Aprili 6 mwaka huu).

Timu nyingine zilizoingia nusu fainali na mechi zake zinachezwa leo (Aprili 5 mwaka huu) ni Burundi itakayocheza na Pakistan.

Katika mechi zilizopita, Tanzania ilitoka sare ya mabao 2-2 na Burundi, ikaitandika Argentina mabao 3-0 ikailaza Nicaragua mabao 2-0 na ikafungwa na Philippines mabao 2-0.

BONIFACE WAMBURA

OFISA HABARI NA MAWASILIANO

SHIRIKISHO LA MPIRA WA MIGUU TANZANIA (TFF)