STARS YALAZIMISHWA SARE 2-2 NA MAMBAS MSUMBIJI TAIFA

Timu ya taifa ya Tanzzania Taifa Stars Leo ikiwa katika dimba la uwanja wa taifa imejiweka katika wakatik mgumu kutinga Hatua ya Makundi ya kutafuta nafasi za kucheza Fainali za Kombe la Mataifa ya Afrika, AFCON 2015, huko Morocco Mwakani, baada kutoka Sare 2-2 na Msumbiji kwenye Mechi iliyochezwa Uwanja wa Taifa Jijini Dar es Salaam.

Stars, wakiwa chini ya Kocha Mart Nooij ambae kati ya Mwaka 2007 na 2011 alikuwa Kocha wa Msumbiji, walitanguliwa kufungwa kwa Bao la Penati iliyopigwa na Domingues lakini walijitutumua na kusawazisha kwa Bao la Mcha Khamis ambae pia alifunga Bao la Pili kwa Penati.

Hata hivyo, kazi hiyo njema ilipotea bure baada ya kuwaruhusu Msumbiji kusawazisha katika Dakika ya 89 kwa Bao la Isaac Carvalho.

MAGOLI:

Tanzania 2

-Mcha Khamis Dakika ya 66 & 71 [Penati]

Mozambique 2

-Gaspar Domingues Dakika ya 48 [Penati]

-Isac Carvalho 89

Kwenye Mechi nyingine iliyochezwa Leo huko Setsoto Stadium, Maseru, Wenyeji Lesotho waliifunga Kenya Bao 1-0 kwa Bao la Dakika ya 70 la Moletsane.

Mechi za Marudiano zitachezwa Wikiendi ya Agosti 1 hadi 3.

AFCON 2015-MOROCCO

RATIBA/MATOKEO:

[Saa za Bongo]

Jumamosi Julai 19

Uganda 2 Equatorial Guinea 0

Botswana 2 Guinea-Bissau 0

Sierra Leone 2 Seychelles 0

Jumapili Julai 20

Lesotho 1 Kenya 0

Tanzania 2 Mozambique 2

17:30 Congo v Rwanda

18:00 Benin v Malawi

** Mechi za Marudiano zitachezwa Wikiendi ya Agosti 1 hadi 3.

MAKUNDI:

KUNDI A

-Nigeria

-South Africa

-Sudan

-Mshindi Congo/Rwanda

KUNDI B

-Mali

-Algeria

-Ethiopia

Mshindi Benin/Malawi

KUNDI C

-Burkina Faso

-Angola

-Gabon

-Mshindi Lesotho/Kenya

KUNDI D

-Ivory Coast

-Cameroun

-Congo DR

-Mshindi Sierra Leone/Seychelles

KUNDI E

-Ghana

-Togo

-Guinea

Mshindi Uganda/Mauritania

KUNDI F

-Zambia

-Cape Verde

-Niger

-Mshindi Tanzania/Msumbiji

KUNDI G

-Tunisia

-Egypt

-Senegal

-Mshindi Botswana/Guinea-Bissau

MUJICA ASEMA SUAREZ ANAHITAJI DAKTARI SAIKILOGIASI KIFUNGO

RAIS wa Uruguay, Jose Mujica, bado ameendelea ameponda Kifungo cha Mchezaji wa Nchi hiyo Luis Suarez cha Miezi Minne alichopewa na FIFA na badala yake anahitaji msaada wa Madaktari wa Magonjwa ya Akili.
Suarez alifungiwa Miezi Minne kutojishughulisha na chochote kuhusu Soka na pia kufungiwa Mechi 9 za Uruguay baada kupatikana na hatia ya kumuuma Meno Beki wa Italy, Giorgio Chiellini, wakati wa Mechi ya Kombe la Dunia kati ya Uruguay na Italy huko Brazil hapo Juni 24.
Akiongea na Gazeti la Brazil, Folha de Sao Paulo, Rais Mujica, ambae ndie anasifika ya kuwa Rais ‘maskini’ kupita yeyote Duniani kwa uamuzi wake wa kuishi kwenye Banda la Shambani kwake badala ya Ikulu akilindwa na Polisi Wawili tu na Mbwa wake Manuela mwenye Miguu Mitatu, amesema: “Anatoka Familia fukara na akili yake ni Miguu yake. Ni bora kumpeleka Hospitali ambako atapata msaada

wa Daktari wa Magonjwa ya Akili!”
Rais Mujica amefafanua: “Ni wehu kumfungia Mtu asishiriki lolote kuhusu Soka! Hata Serikali haina mamlaka ya kumzuia Mtu asiingie Uwanja wa Mpira bila kupata Saini ya Jaji! Lakini FIFA wanakuja wanamfungia Miezi Minne bila hata kuwa na Jopo la Kisheria!”
Hivi sasa Suarez ameihama Klabu yake Liverpool ya England na kutua Barcelona ya Spain.
Na Rais Mujica amenung’unika: “Sasa tutamuona Suarez akicheza pamoja na Neymar na Messi lakini sijui lini itakuwa hivyo!”

SALAH UPO UWEZEKANO WA KUWEPO CHELSEA MATATANI AITWA KWAO MISRI

Mohamed Salah Mchezaji wa Chelsea huenda asiichezee tena Chelsea kwa Kipindi cha Miaka Mitatu baada ya kuitwa Nchini kwao ili aende Jeshini kwa Mujibu wa Sheria.

Taarifa kutoka Misri zimedai kuwa Salah, mwenye Miaka 22 na ambae alijiunga na Chelsea Mwezi Januari Mwaka huu kutoka Basle ya Uswisi, ameruhisiwa kuishi Nchini Uingereza kwa sababu anajihusisha na Masomo.

Hivi sasa imeripotiwa kuwa Wizara ya Elimu ya Juu ya Misri imefuta Masomo hayo na kumtaka arudi Misri mara moja ili atumikie Jeshini kwa Mujibu wa Sheria kwa Kipindi cha kuanzia Mwaka Mmoja hadi Mitatu.

Hata hivyo, Mchambuzi wa Soka kutoka Misri alisema vitu hivyo ni kawaida huko kwao na mara nyingi Mastaa wanaowakilisha vyema Nchi zao huruhusiwa kuendelea na shughuli zao bila bughudha.

Hivi sasa, Chama cha Soka cha Misri, Makocha wa Timu ya Taifa ya Misri na Maafisa wa Wizara ya Elimu ya Juu ya Misri, wameandaa Kikao ili kuangalia nini cha kufanya kuhusu Salah.

Vile vile, Meneja wa Timu ya Taifa ya Misri, Shawky Gharib, amemwomba Waziri wa Vijana kusaka suluhisho la tatizo hilo ili kumruhusuSalah arejee Misri Mwezi Septemba kuichezea Nchi hiyo kwenye Mechi za Makundi za kuwania Nafasi za kucheza Fainali za AFCON 2015 huko Morocco Mwakani.

Ikiwa hali ya sasa itaendelea Salah akirudi kwao tu hataruhusiwa kutoka nje ya Nchi hadi atumikie Jeshi kwa Kipindi hicho cha Mwaka mmoja hadi mitatu.

Mohamed Salah

Personal information
Full name	Mohamed Salah Ghaly
Date of birth	15 June 1992 (age 22)
Place of birth	Basion, El Gharbia, Egypt
Height	1.75 m (5 ft 9 in)
Playing position	Winger
Timu ya sasa
Current team	Chelsea
Number	15
Timu za vijana
2006–2010	El Mokawloon
Timu za ukubwani
Years	Team	Mechi	(Goli)
2010–2012	El Mokawloon	41	(11)
2012–2014	Basel	47	(9)
2014–	Chelsea	10	(2)
Timu ya taifa
2010–2011	Egypt U20	11	(3)
2011–2012	Egypt U23	11	(4)
2011–	Egypt	29	(17)