UCL UEFA: SI MCHEZO NUSU FAINALI REAL VS BAYERN, ATLETI VS CHELSEA.

UEFA CHAMPIONZ LIGI Droo ya Mashindano makubwa ya Barani Ulaya imefanyika Leo huko Nyon, Uswisi, na Timu za Spain, Real Madrid na Atletico Madrid zimetenganishwa.

Mabingwa Watetezi Bayern Munich wataivaa Real Madrid na Vinara wa La Liga, Atletico Madrid, watapambana na Chelsea.

UEFA CHAMPIONZ LIGI

NUSU FAINALI:

-Real Madrid v Bayern Munich

-Atletico Madrid v Chelsea

Mechi ya Kwanza: 22 & 23 Aprili

Mechi ya Pili: 29 & 30 Aprili

-FAINALI: Estádio da Luz, Lisbon, Portugal 24 Mei 2014.

EUROPA LIGI:

Kwenye Droo ya Nusu Fainali ya EUROPA LIGI, Klabu za Spain, Sevilla na Valencia zimekutanishwa na Mechi nyingine ni kati ya Benfica ya Ureno na Mabingwa wa Italy, Juventus.

EUROPA LIGI:

NUSU FAINALI:

-Sevilla v Valencia

-Benfica v Juventus

Mechi ya Kwanza: Aprili 24

Mechi ya Pili: Mei 1

FAINALI: Jumatano Mei 14, Juventus Stadium, Turin, Italy

VPL: MOTO KUWAKA KESHOSIMBA, ASHANTI UTD KUVAANA TAIFA

CHACHA KUCHEZESHA MICHUANO YA AYG

Shirikisho la Mpira wa Miguu Afrika (CAF) limeteua mwamuzi msaidizi wa Tanzania anayetambuliwa na Shirikisho la Kimataifa la Mpira wa Miguu (FIFA), Ferdinand Chacha ameteuliwa kuchezesha michezo ya Vijana ya Afrika (AYG- African Youth Games).

Michezo hiyo ya kwanza ya Afrika itachezesha jijini Gaborone, Botswana kuanzia Mei 22-31 mwaka huu. Tanzania pia itashiriki katika mashindano hayo ya vijana wenye umri chini ya miaka 15.

SIMBA, ASHANTI UTD KUVAANA TAIFA

Michuano ya Ligi Kuu ya Vodacom (VPL) kuwania ubingwa wa Tanzania Bara inaendelea kesho(Aprili 12 mwaka huu)  katika raundi ya 25 ambapo Simba na Ashanti United zitapambana Uwanja wa Taifa, Dar es Salaam kuanzia saa 10 kamili jioni.

Mechi nyingine zitakuwa kati ya Tanzania Prisons na Rhino Rangers (Uwanja wa Kumbukumbu ya Sokoine, jijini Mbeya) wakati Coastal Union itakuwa mwenyeji wa JKT Ruvu kwenye Uwanja wa Mkwakwani jijini Tanga.

Keshokutwa (Aprili 13 mwaka huu) kutakuwa na mechi nyingine nne za kukamilisha raundi hiyo. Uwanja wa Sheikh Kaluta Amri Abeid jijini Arusha utakuwa mwenyeji wa mechi kati ya wenyeji Oljoro JKT na Yanga.

Mtibwa Sugar itacheza na Ruvu Shooting (Uwanja wa Manungu, Morogoro), Mgambo Shooting na Kagera Sugar zitaoneshana kazi kwenye Uwanja wa Mkwakwani jijini Tanga huku Mbeya City ikiumana na Azam kwenye Uwanja wa Kumbukumbu ya Sokoine jijini Mbeya.

TIMU YA WATOTO WA MITAANI YATAMBULISHWA BUNGENI

Timu ya Watoto wa Mitaani ya Tanzania iliyotwaa ubingwa wa Dunia wa Watoto wa Mitaani nchini Brazil baada ya kuifunga Burundi mabao 3-1 kwenye fainali imetambulishwa leo (Aprili 11 mwaka huu) katika Bunge Maalumu la Katiba mjini Dodoma.

Baadaye timu hiyo leo itapata chakula cha mchana na Waziri Mkuu wa Jamhuri ya Muungano wa Tanzania, Mizengo Pinda. Saa 10 jioni itatembeza kombe hilo katika maeneo mbalimbali ya Manispaa ya Dodoma katika gari za wazi.

Jioni imeandaliwa hafla maalumu ya chakula pamoja na burudani hapo hapo mjini Dodoma ambapo mgeni rasmi atakuwa Waziri wa Habari, Vijana, Utamaduni na Michezo, Dk. Fenella Mukangara.

MWENYEKITI WA CECAFA KUZUNGUMZA NA WAANDISHI

Mwenyekiti wa Baraza la Vyama vya Mpira wa Miguu Afrika Mashariki na Kati (CECAFA), Leodegar Tenga atakuwa na mkutano na waandishi wa habari Jumatatu (Aprili 14 mwaka huu).

Mkutano huo utafanyika kwenye ofisi za Shirikisho la Mpira wa Miguu Tanzania (TFF) zilizopo Ghorofa ya 3, Jengo la PPF Tower mtaa wa Ohio/Garden Avenue kuanzia saa 5 kamili asubuhi.

BONIFACE WAMBURA

OFISA HABARI NA MAWASILIANO

SHIRIKISHO LA MPIRA WA MIGUU TANZANIA (TFF)

FIFA LISTI UBORA DUNIANI: SPAIN1, TANZANIA YA 122

Droo ya Listi ya ubora ya fifa  iliyotolewa Leo imeonyesha Mabingwa wa Dunia Spain bado wapo Nambari Wani wakifuatiwa na Germany, ambao wamebakia Namba 2, huku Tanzania ikiporomoka Nafasi 5 na kushika Nafasi ya 122 wakati Nafasi ya Juu kabisa kwa Nchi ya Afrika inakamatwa na Ivory Coast ambao wako Nafasi ya 21wakiwa wamepanda Nafasi 3.

Wenyeji wa Fainali za Kombe la Dunia Mwaka huu, Brazil, wamepanda Nafasi 3 na sasa wapo Namba 6 pamoja na Argentina walioporomoka Nafasi 3.

Listi nyingine ya Ubora Duniani itatolewa tena na FIFA hapo Tarehe 8 Mei.

20 BORA DUNIANI:

1        Spain

2        Germany

3        Portugal       [Wamepanda Nafasi 1]

4        Colombia      [Wamepanda Nafasi 1]

5        Uruguay        [Wamepanda Nafasi 1]

6        Argentina     [Wameshuka Nafasi 3]

6        Brazil            [Wamepanda Nafasi 3]

8        Switzerland   [Wameshuka Nafasi 1]

9        Italy             [Wameshuka Nafasi 1]

10      Greece          [Wamepanda Nafasi 3]

11      England        [Wamepanda Nafasi 1]

12      Belgium        [Wameshuka Nafasi 2]

13      USA              [Wamepanda Nafasi 1]

14      Chile             [Wamepanda Nafasi 1]

15      Netherlands  [Wameshuka Nafasi 4]

16      France           [Wamepanda Nafasi 1]

17      Ukraine        [Wamepanda Nafasi 1]

18      Russia           [Wamepanda Nafasi 1]

19      Mexico          [Wamepanda Nafasi 1]

20      Croatia         [Wameshuka Nafasi 4]

UCL: BAYERN YAIPIGA MAN UNITED 3-1,BARCA NJE.

ROBO FAINALI

Marudiano

Jumatano Aprili 9

{Kwenye Mabano Jumla ya Mabao kwa Mechi mbili}

Bayern Munich 3 Manchester United 1 [4-2]

Atletico Madrid 1 Barcelona 0 [2-1]

Mabingwa Watetezi wa UCL, UEFA Championz Bayern Munich, jana Usiku wamefanikiwa kutinga Nusu Fainali ya Mashindano hayo baada ya kuitandika Manchester United goli 3-1 katika Mechi ya Marudiano ya Robo Fainali.

Katika Mtange wa Kwanza huko Old Trafford Wiki iliyopita, Timu hizi zilitoka Sare ya Bao 1-1.

Kwenye Mechi hii, Man United walitangulia kufunga kwa Bao la Dakika ya 57 la Patrice Evra lakini Bayern walijibu haraka na kusawazisha Dakika 2 baadae kwa Bao la Mario Mandzukic na kuongeza Bao mbili kupitia Thomas Muller, Dakika ya 68 na Arjen Robben, Dakika ya 76.

Bayern sasa wanaungana kwenye Nusu Fainali ya UCL pamoja na Chelsea, Atletico Madrid na Real Madrid.

Droo ya kupanga Mechi za Nusu Fainali itafanyika Ijumaa Aprili 11.

VIKOSI:

BAYERN MUNICH: Neuer, Dante, Ribery, Mandzukic, Robben, Boateng, Gotze, Lahm, Muller, Alaba, Kroos.

Akiba: Raeder, Van Buyten, Rafinha, Pizarro, Weiser, Hojbjerg, Weihrauch.

MAN UNITED: De Gea; Jones, Smalling, Vidic, Evra; Fletcher, Carrick; Valencia, Rooney, Kagawa; Welbeck.

Akiba: Lindegaard, Büttner, Ferdinand, Giggs, Januzaj, Young, Hernandez.

REFA: Jonas Eriksson [Sweden]

Goli la Dakika ya 5 la Koke limewapa ushindi Atletico Madrid wa Bao 1-0 dhidi ya Barcelona walipocheza Uwanjani kwao Estadio Vicente Calderon katika Mechi ya Marudiano ya Robo Fainali wa ligi ya mabingwa UCL,

katika mtanange wa awali timu hizi zilitoka Sare ya Bao 1-1 huko Nou Camp Wiki iliyopita.

Katika Mechi hiyo, Atletico walianza kwa kishindo na mbali ya kufunga Bao hilo mapema pia walipiga Posti mara 3 ndani ya Dakika 20 za kwanza.

Hii ni mara ya kwanza kwa Atletico kuingia Nusu Fainali ya Mashindano haya tangu Mwaka 1974 na ni mara ya kwanza kwa Barca kushindwa kuingia Nusu Fainali tangu 2007.

Msimu huu, Timu hizi zimekutana mara 4 na kutoka Sare.

Atletico sasa wanaungana kwenye Nusu Fainali ya UCL pamoja na Chelsea, Bayern Munich na Real Madrid.

Droo ya kupanga Mechi za Nusu Fainali itafanyika Ijumaa Aprili 11. 
VIKOSI:

Atletico Madrid: Courtois, Godin, Filipe Luis, Juanfran, Miranda, Tiago, Koke, Raul Garcia, Gabi, Adrian, Villa

Akiba: Aranzubia, Mario Suarez, Rodriguez, Alderweireld, Insua, Sosa, Diego.

Barcelona: Pinto, Mascherano, Bartra, Jordi Alba, Dani Alves, Fabregas, Xavi, Iniesta, Busquets, Messi, Neymar

Akiba: Oier, Montoya, Pedro, Alexis, Song, Adriano, Sergi Roberto.

REFA: Howard Webb [England]

UEFA CHAMPIONZ LIGI

ROBO FAINALI

Marudiano

[Kwenye Mabano Jumla ya Mabao kwa Mechi mbili]

Jumanne Aprili 8

Chelsea 2 Paris Saint-Germain 0 {3-3}, Chelsea wamesonga kwa Bao la Ugenini}

Borussia Dortmund 2 Real Madrid 0 {2-3}

DONDOO MUHIMU:

-DROO YA NUSU FAINALI: 11 Aprili

-Mechi kuchezwa 22 & 23 Aprili na Marudiano 29 & 30 Aprili

-FAINALI: Estádio da Luz, Lisbon, Portugal 24 Mei 2014.

WASHINDI [Miaka ya karibu]:

MSIMU	MSHINDI	NCHI	MSHINDI WA PILI	NCHI	GOLI
2012-13	Bayern Munich	Germany	Borussia Dortmund	Germany	2-1
2011-12	Chelsea	England	Bayern Munich	Germany	1-1 (4–3)
2010-11	Barcelona	Spain	Manchester United	England	3-1
2009-10	Internazionale	Italy	Bayern Munich	Germany	2-0
2008-09	Barcelona	Spain	Manchester United	England	2-0
2007-08	Man United	England	Chelsea	England	1-1 (6–5)

RUVU SHOOTING VS AZAM YAAHIRISHWA! YANGA YAPIGA 2-1 KAGERA KWA TABU.

VPL: LIGI KUU VODACOM

MATOKEO:

Jumatano Aprili 9

R/Shooting v Azam FC {Mechi imeahirishwa hadi alhamis aprili 10 mwaka huu}

Yanga 2 Kagera Sugar 1

MABINGWA Watetezi wa VPL, Ligi Kuu Vodacom Tanzania Bara, Wanajangwani Yanga sc, wakishuka katika dimba la Uwanja wa Taifa Jijini Dar es Salaam imefanikiwa kuibuka na ushindi ya kuinyuka Kagera Sugar Bao 2-1 na kujiwekea uimara katika mbio za kuwania ubingwa baada ya kujizatiti katika Nafasi ya Pili wakiwa Pointi 1 nyuma ya Vinara Azam FC ambao Leo walishindwa kucheza Mechi yao kutokana na Mvua.

Hii Leo, Azam FC walikuwa wacheze huko Mabatini, Mlandizi dhidi ya Ruvu Shooting lakini Mechi hiyo ililazimika kuahirishwa kutokana na Mvua kubwa kufanya Uwanja ufurike maji.

Huku Timu zote zikiwepo Uwanjani, Waamuzi waliukagua Uwanja wa Mabatini na kujiridhisha kuwa haufai kuchezwa na ndipo wakaamua kuahirisha Mechi hiyo.

Habari za awali zimesema kuwa Mechi hii itachezwa kesho.

Huko Uwanja wa Taifa, Dar es Salaam, Yanga waliifunga Kagera Sugar Bao 2-1 kwa Bao za Kipindi cha Kwanza zikifungwa na Hamisi Kiiza, Dakika ya 3, na Didier Kavumbagu, Dakika ya 34 wakati Kagera Sugar walifunga Bao lao Dakika ya 63 kupitia Daud Jumanne.

Yanga, ambao wako Pointi 1 nyuma ya Vinara Azam FC, sasa wamebakisha Mechi mbili dhidi ya JKT Oljoro, huko Arusha, na Simba wakati Azam FC wana Mechi 3 dhidi Ruvu Shooting, Mbeya City huko Mbeya na JKT Ruvu.

RATIBA:

Jumamosi Aprili 12

Mtibwa Sugar vs Ruvu Shooting (Manungu, Morogoro),

Coastal Union vs JKT Ruvu (Mkwakwani, Tanga),

Tanzania Prisons vs Rhino Rangers (Sokoine, Mbeya).

Jumapili Aprili 13

Mgambo Shooting vs Kagera Sugar (Mkwakwani, Tanga),

Simba vs Ashanti United (Uwanja wa Taifa, Dar es Salaam)

Mbeya City vs Azam (Sokoine, Mbeya)

JKT Oljoro vs Yanga (Sheikh Kaluta Amri Abeid, Arusha).

MSIMAMO:

NA	TIMU	P	W	D	L	GD	GF	PTS
1	Azam FC	23	15	8	0	31	45	53
2	Yanga SC	24	15	7	2	41	58	52
3	Mbeya City	24	12	10	2	13	30	46
4	Simba SC	24	9	10	5	15	40	37
5	Kagera Sugar	24	8	10	6	2	22	34
6	Ruvu Shooting	22	9	7	6	0	27	34
7	Mtibwa Sugar	25	7	10	8	0	28	31
8	Coastal Union	24	6	11	7	-2	16	29
9	JKT Ruvu	23	8	1	14	-19	19	25
10	Mgambo Shooting	23	6	6	11	-16	16	24
11	Ashanti UTD	23	4	7	12	-20	17	19
12	JKT Oljoro	24	3	9	12	-17	17	18
13	Prisons FC	22	3	9	10	-11	17	18
14	Rhino Rangers	23	3	7	13	-17	15	16

UCL:CHELSEA YAIPAPATUA PSG 2-0 YACHUPA NUSU FAINALI.

Matokeo Marudio.

Jumanne Aprili 8

aprilChelsea 2 Paris Saint-Germain 0 [3-3, Chelsea wamesonga kwa Bao la Ugenini]

Borussia Dortmund 2 Real Madrid 0 [2-3]

CHELSEA FC 2 PARIS SAINT-GERMAIN 0

-Stamford Bridge, London

Club ya Chelsea imefanikiwa kutinga Nusu Fainali ya UEFA CHAMPIONZ LIGI, UCL baada ya Bao la Demba Ba la Dakika ya 87 kuwapa ushindi wa Bao 2-0 katika Mechi ya Marudiano iliyochezwa Stamford Bridge na kufanya Jumla ya Mabao kuwa Bao 3-3 katika Mechi mbili na wao kutinga hatua inayofuata ya Nusu fainali kwa  Bao la Ugenini.

Bao la Kwanza la Chelsea lilifungwa na Andre Schurrle, alieingizwa kumbadili Eden Hazard alieumia, katika Dakika ya 32.

Demba Ba ambae alitokea Benchi na Bao lake la ushindi kwa Chelsea lilimfanya Meneja wao Jose Mourinho ashangilie kwa aina ya kipekee.

VIKOSI:

CHELSEA: Cech, Ivanovic, Cahill, Terry, Azpilicueta, Luiz, Lampard, Willian, Oscar, Hazard, Eto'o.

Akiba: Schwarzer, Cole, Kalas, Mikel, Schurrle, Ba, Torres.

PSG: Sirigu, Jallet, Alex, Silva, Maxwell, Verratti, Motta, Matuidi, Lucas, Cavani, Lavezzi.

Akiba: Douchez, Marquinhos, Digne, Van der Wiel, Cabaye, Menez, Pastore.

REFA: Pedro Proença (Portugal) 

UEFA CHAMPIONZ LIGI

ROBO FAINALI

Marudiano

[Saa 3 Dak 45 Usiku]

[Kwenye Mabano Matokeo Mechi ya Kwanza]

Jumatano Aprili 9

Bayern Munich v Manchester United [1-1]

Atletico Madrid v Barcelona [1-1]

DONDOO MUHIMU:

-DROO YA NUSU FAINALI: 11 Aprili

-Mechi kuchezwa 22 & 23 Aprili na Marudiano 29 & 30 Aprili

-FAINALI: Estádio da Luz, Lisbon, Portugal 24 Mei 2014.

WASHINDI [Miaka ya karibu]:

MSIMU	MSHINDI	NCHI	MSHINDI WA PILI	NCHI	GOLI
2012-13	Bayern Munich	Germany	Borussia Dortmund	Germany	2-1
2011-12	Chelsea	England	Bayern Munich	Germany	1-1 (4–3)
2010-11	Barcelona	Spain	Manchester United	England	3-1
2009-10	Internazionale	Italy	Bayern Munich	Germany	2-0
2008-09	Barcelona	Spain	Manchester United	England	2-0
2007-08	Man United	England	Chelsea	England	1-1 (6–5)