VPL, LIGI KUU VODACOM YANGA KUIKABILI RHINO YA TABORA

YANGA, RHINO KUCHEZA TABORA VPL

Yanga inaumana na Rhino Rangers katika moja kati ya mechi mbili za Ligi Kuu ya Vodacom (VPL) zitakazochezwa wikiendi hii katika miji miwili tofauti.

Mechi hiyo itafanyika kesho (Machi 22 mwaka huu) kwenye Uwanja wa Ali Hassan Mwinyi, mjini Tabora ambapo kiingilio kitakuwa sh. 5,000 kwa jukwaa kuu na sh. 3,000 mzunguko.

Nayo JKT Ruvu itakuwa mwenyeji wa Mbeya City katika mechi itakayochezwa kesho Uwanja wa Azam Complex uliopo Chamazi, Dar es Salaam kuanzia saa 10 kamili jioni.

Ligi hiyo itaendelea keshokutwa (Jumapili) kwa mechi nne ambapo Simba itacheza na Coastal Union katika Uwanja wa Taifa, Dar es Salaam. Azam itaoneshana kazi na Oljoro JKT kwenye Uwanja wa Azam Complex. Mechi hizo mbili zitakuwa ‘live’ kupitia Azam Tv.

Mechi nyingine za Jumapili ni Mgambo Shooting dhidi ya Mtibwa Sugar kwenye Uwanja wa Mkwakwani jijini Tanga, wakati Ruvu Shooting na Ashanti United zitapimana ubavu kwenye Uwanja wa Mabatini, Mlandizi mkoani Pwani.

MSIMAMO:

NA	TIMU	P	W	D	L	GD	PTS
1	Azam FC	20	12	8	0	27	44
2	Yanga SC	19	11	7	1	29	40
3	Mbeya City	21	10	9	2	10	39
4	Simba SC	21	9	9	3	17	36
5	Kagera Sugar	21	8	8	5	3	32
6	Ruvu Shooting	20	7	7	6	-4	28
7	Coastal Union	21	5	11	5	1	26
8	Mtibwa Sugar	21	6	8	7	-1	26
9	JKT Ruvu	21	8	1	12	-13	25
10	Prisons FC	20	3	10	7	-4	19
11	Mgambo JKT	20	4	6	10	-17	18
12	Ashanti United	21	4	6	11	-18	18
13	JKT Oljoro	21	2	9	10	-16	15
14	Rhino Rangers	21	2	7	12	-14	13

RATIBA MECHI ZIJAZO:

Jumatano Machi 26

Mgambo JKT v Azam FC

Yanga v Tanzania Prisons

Jumamosi Machi 29

Ashanti United v JKT Oljoro

Jumapili Machi 30

Mbeya City v Tanzania Prisons

Kagera Sugar v Ruvu Shooting

Mtibwa Sugar v Coastal Union

JKT Ruvu v Rhino Rangers

Azam FC v Simba

Mgambo JKT v Yanga

KIKOSI KAZI KUSHUGHULIKIA TIKETI ZA ELEKTRONIKI

Shirikisho la Mpira wa Miguu Tanzania (TFF) na benki ya CRDB zimeunda kikosi kazi (task force) kwa ajili ya kushughulikia matumizi ya tiketi za elektroniki ambayo yalisimamishwa kutoka na changamoto mbalimbali zilizokuwa zimejitokeza.

TFF na CRDB zimefanya kikao cha pamoja jana (Machi 20 mwaka huu) kuhusu masuala ya tiketi za elektroniki na kukubaliana kuunda kikosi kazi hicho kwa ajili ya uboreshaji matumizi ya mfumo huo.

Kikosi kazi hicho kitakuwa na wajumbe kutoka TFF na CRDB. Kwa upande wa TFF wajumbe wake ni Mkurugenzi wa Sheria na Uanachama, Evodius Mtawala, Ofisa Habari na Mawasiliano, Boniface Wambura na Ofisa Mtendaji Mkuu wa Bodi ya Ligi Kuu Tanzania (TPLB), Silas Mwakibinga.

Rais wa TFF, Jamal Malinzi ametoa shukrani za kipekee kwa Mkurugenzi Mtendaji wa benki ya CRDB, Dr. Charles Kimei ambaye alihudhuria binafsi kwenye kikao akiongoza timu yake.

Malinzi amesema ni imani ya TFF kuwa mfumo wa tiketi za elektroniki ndiyo mkombozi wa ulinzi wa mapato milangoni, na anaamini kwa pamoja TFF na CRDB zitafanikisha matumizi hayo ya tiketi za elektroniki.

CAF CHAMPIONZ LIGI: RAUNDI YA MTOANO TIMU 16 MOTO IJUMAA

Michuano Mikubwa ya Klabu Barani Afrika, CAF CHAMPIONZ LIGI, Ijumaa yanaingia Raundi ya Mtoano ya Timu 16 ili kupata Timu 8 ambazo zitaingia kwenye Droo kupanga Makundi mawili ya Timu 4 kila moja.

Mabingwa Watetezi, Al Ahly ya Misri, ambao Raundi iliyopita waliwatoa Mabingwa wa Tanzania Bara, Yanga, kwa Mikwaju ya Penati baada kwenda Sare ya Jumla ya Bao 1-1 katika Mechi mbili, wataanza kucheza Ugenini huko Libya na Klabu ya Al Ahli – Benghazi.

Nao TP Mazembe ya Congo DR, Klabu yenye Mastraika wawili Mashujaa wa Tanzania, Thomas Ulimwengu na Mbwana Samatta, itakuwa Ugenini huko Ivory Coast kucheza na Sewe Sport.

Mechi nyingine zenye mvuto ni ile kati ya Nkana FC ya Zambia na Magwiji wa Egypt, Al Zamalek itakayochezwa huko Zambia..

Klabu nyingine ya Congo DR ni AS Vita ambayo itakuwa Nyumbani kucheza na Kaizer Chiefs ya Afrika Kusini.

Marudiano ya Mechi ya Raundi hii ni Wikiendi ya Machi 28.

CAF CHAMPIONZ LIGI

Raundi ya Mtoano ya Timu 16

[Saa za Bongo]

Ijumaa Machi 21

16:00 Al Ahli - Benghazi – Libya v Al Ahly - Egypt     

16:00 Nkana FC – Zambia v Al Zamalek - Egypt

19:30 AS Bamako – Mali v Espérance Sportive de Tunis – Tunisia

Jumapili Machi 23

16:30 AS Vita Club - Congo, DR v Kaizer Chiefs - South Africa

16:50 AC Leopards de Dolisie – Congo v Al-Hilal - Sudan

19:00 Sewe Sport - Ivory Coast v TP Mazembe - Congo, DR

19:30 Horoya Athlétique Club – Guinea v Club Sportif Sfaxien - Tunisia

21:15 Entente Sportive de Sétif - Algeria v Coton Sport FC - Cameroon

CHELSEA YAIZIBUA GALATASARAY 2-MTUNGI.

Club ya soka ya Chelsea imefanikiwa kuichalaza Timu ya  Galataray ya Uturuki kwa mabao 2-0 katika mechi ya Ligi ya Mabingwa Ulaya kwenye UWanja wa Stamford Bridge London.

Mabao ya Chelsea yaliwekwa kimiani  na Samuel Eto’o na beki Garry Cahill na kuipa Chelsea ushindi wa jumla ya mabao 3-1 baada ya kutoka sare ya bao 1-1 jijini Istambul katika mechi ya kwanza.

UEFA CHAMPIONZ LIGI

Raundi ya Mtoano ya Timu 16

MARUDIANO MATOKEO.

Jumanne Machi 18

Chelsea FC 2 Galatasaray Spor Kulübü 0 [3-1]

Real Madrid CF 3 Schalke 1 [9-2]

RATIBA MECHI ZA LEO:

Jumatano Machi 19

22:45 BV Borussia Dortmund v Zenit St. Petersburg [4-2]

22:45Man United v Olympiacos CFP [0-2].

DROGBA KUFUMUA NYASI STAMFORD BRIDGE.

Mshambuliaji Mahiri wa Galatasaray ya Uturuki, akiwa na wenzake amefanya mazoezi kwenye Uwanja wa Stamford Bridge unaotumiwa na Chelsea. 

Mara tu baada ya mazoezi, Drogba amesema yuko tayari kwa ajili ya mechi ya leo dhidi ya kikosi hicho cha Jose Mourinho katika Ligi ya Mabingwa Ulaya.

"Nimerudi tena hapa, kwangu ni sehemu bora na yenye kumbukumbu nyingi sana. Lakini kama ni mechi, niko tayari," alisema Drogba.

Katika mechi ya kwanza jijini Istambul, timu hizo zilitoka sare ya kufungana bao 1-1. Hivyo jibu litatapikana leo.

UEFA CHAMPIONZ LIGI

Raundi ya Mtoano ya Timu 16

RATIBA

MARUDIANO

[Kwenye Mabano Matokeo Mechi ya Kwanza]

[Saa za Bongo]

Jumanne Machi 18

22:45 Chelsea FC v Galatasaray Spor Kulübü [1-1]

22:45 Real Madrid CF v Schalke 04 [1-6]

Jumatano Machi 19

22:45 BV Borussia Dortmund v Zenit St. Petersburg [4-2]

22:45 Manchester United v Olympiacos CFP [0-2]

31 WAITWA NGORONGORO HEROES KUIKABILI KENYA.

Wachezaji 31 wameteuliwa kujiunga na timu ya Taifa ya vijana wenye umri chini ya miaka 20 (Ngorongoro Heroes) kwa ajili ya michuano ya Afrika ambayo fainali zake zitafanyika mwakani nchini Senegal.

Ngorongoro Heroes itakayokuwa chini ya Kaimu Kocha John Simkoko akisaidiwa na Mohamed Ayoub inaingia kambini kesho (Machi 19 mwaka huu) jijini Dar es Salaam kujiandaa kwa mechi ya kwanza dhidi ya Kenya itakayochezwa kati ya Aprili 4-6 jijini Nairobi.

Kikosi kinachounda timu hiyo ambayo itarudiana na Kenya kati ya Aprili 25-27 mwaka huu jijini Dar es Salaam kinajumuisha pia baadhi ya wachezaji walioonekana katika mpango wa ung’amuzi wa vipaji kwa ajili ya maboresho ya Taifa Stars.

Wachezaji walioitwa ni makipa Aishi Manula (Azam), Hamad Juma Hamad (Scouting- Temeke), Manyika Peter Manyika (Scouting- Ilala) na Mwinyi Hassan Hamisi (Mtende, Zanzibar).

Mabeki wa pembeni ni Ayoub Semtawa (Coastal Union), Edward Charles (JKT Ruvu), Frank Linus Makungu (Scouting- Rukwa), Gabriel Gadiel Michael (Azam), Hussein Mkongo (Ashanti United) na Ibrahim Said Mohamed (Chuoni, Zanzibar). Mabeki wa kati ni Bashiru Ismail (Tanzania Prisons), Faki Rashid Hakika (Ashanti United) na Pato Ngonyani (Majimaji).

Viungo ni Ally Nassoro (Coastal Union), Bryson Raphael (Azam), Farid Musa (Azam), Hamid Mohamed (Mbeya City), Hassan Mbande (Mtibwa Sugar), Ibrahim Mohamed Ibrahim (Scouting- Ilala), Idd Seleman (Ashanti United), Mohamed Issa Juma (Acudu, Afrika Kusini), Muhsin Ally Muhsin (Scouting- Kinondoni), Seleman Magoma (Scouting- Ruvuma) na Tumaini John (Scouting- Mwanza).

Washambuliaji ni Ally Salum Kabunda (Ashanti United), Ibrahim Hamad Hilika (Zimamoto, Zanzibar), Jafari Mwambusi (Mbeya City), Kelvin Friday (Azam), Ramadhan Bilal (Mlale JKT), Salum Abdilah Mineli (Ndanda) na Sibiank Lambard (Tanzania Prisons).

YANGA, AZAM KUUMANA VPL TAIFA

Michuano ya Ligi Kuu ya Vodacom (VPL) inaendelea kesho (Machi 19 mwaka huu) kwa mechi kati ya Yanga na Azam itakayochezwa Uwanja wa Taifa, Dar es Salaam kuanzia saa 10.30 jioni.

Tiketi kwa ajili ya mechi hiyo zitaanza kuuzwa saa 2 asubuhi katika magari maalumu kwenye vituo vya Shule ya Sekondari Benjamin Mkapa, Ubungo Terminal, mgahawa wa Steers uliopo Mtaa wa Samora/Ohio, OilCom Ubungo, Buguruni Shell, Dar Live- Mbagala, kituo cha daladala Mwenge na Uwanja wa Taifa.

Baada ya saa 6 mchana mauzo yote yatahamia Uwanja wa Taifa ambapo milango kwa ajili ya mechi itakuwa wazi kuanzia saa 7.30 mchana.

Viingilio katika mechi hiyo vitakuwa sh. 30,000 kwa VIP A, sh. 20,000 kwa VIP B na C wakati viti vya rangi ya chungwa, bluu na kijani kiingilio ni sh. 7,000.

Mechi hiyo itachezeshwa na mwamuzi Hashim Abdallah wa Dar es Salaam ambapo atasaidiwa na Anold Bugado (Singida), Florentina Zablon (Dodoma) na Lulu Mushi (Dar es Salaam). Kamishna wa mechi hiyo Emmanuel Kavenga kutoka Mbeya wakati mtathimini wa waamuzi ni Alfred Rwiza wa Mwanza.

MSIMAMO:

NA	TIMU	P	W	D	L	GD	PTS
1	Azam FC	19	12	7	0	27	43
2	Yanga SC	18	11	6	1	29	39
3	Mbeya City	21	10	9	2	10	39
4	Simba SC	21	9	9	3	17	36
5	Kagera Sugar	21	8	8	5	3	32
6	Ruvu Shooting	20	7	7	6	-4	28
7	Coastal Union	21	5	11	5	1	26
8	Mtibwa Sugar	21	6	8	7	-1	26
9	JKT Ruvu	21	8	1	12	-13	25
10	Prisons FC	20	3	10	7	-4	19
11	Mgambo JKT	20	4	6	10	-17	18
12	Ashanti United	21	4	6	11	-18	18
13	JKT Oljoro	21	2	9	10	-16	15
14	Rhino Rangers	21	2	7	12	-14	13

RATIBA MECHI:

Jumatano Machi 19

Yanga v Azam FC

Jumamosi Machi 22

JKT Ruvu v Mbeya City

Rhino Rangers v Yanga

Kagera Sugar v Tanzania Prisons

Jumapili Machi 23

Simba v Coastal Union

Mgambo JKT v Mtibwa Sugar

Ruvu Shooting v Ashanti United

Azam FC v JKT Oljoro