SALAH UPO UWEZEKANO WA KUWEPO CHELSEA MATATANI AITWA KWAO MISRI

Mohamed Salah Mchezaji wa Chelsea huenda asiichezee tena Chelsea kwa Kipindi cha Miaka Mitatu baada ya kuitwa Nchini kwao ili aende Jeshini kwa Mujibu wa Sheria.

Taarifa kutoka Misri zimedai kuwa Salah, mwenye Miaka 22 na ambae alijiunga na Chelsea Mwezi Januari Mwaka huu kutoka Basle ya Uswisi, ameruhisiwa kuishi Nchini Uingereza kwa sababu anajihusisha na Masomo.

Hivi sasa imeripotiwa kuwa Wizara ya Elimu ya Juu ya Misri imefuta Masomo hayo na kumtaka arudi Misri mara moja ili atumikie Jeshini kwa Mujibu wa Sheria kwa Kipindi cha kuanzia Mwaka Mmoja hadi Mitatu.

Hata hivyo, Mchambuzi wa Soka kutoka Misri alisema vitu hivyo ni kawaida huko kwao na mara nyingi Mastaa wanaowakilisha vyema Nchi zao huruhusiwa kuendelea na shughuli zao bila bughudha.

Hivi sasa, Chama cha Soka cha Misri, Makocha wa Timu ya Taifa ya Misri na Maafisa wa Wizara ya Elimu ya Juu ya Misri, wameandaa Kikao ili kuangalia nini cha kufanya kuhusu Salah.

Vile vile, Meneja wa Timu ya Taifa ya Misri, Shawky Gharib, amemwomba Waziri wa Vijana kusaka suluhisho la tatizo hilo ili kumruhusuSalah arejee Misri Mwezi Septemba kuichezea Nchi hiyo kwenye Mechi za Makundi za kuwania Nafasi za kucheza Fainali za AFCON 2015 huko Morocco Mwakani.

Ikiwa hali ya sasa itaendelea Salah akirudi kwao tu hataruhusiwa kutoka nje ya Nchi hadi atumikie Jeshi kwa Kipindi hicho cha Mwaka mmoja hadi mitatu.

Mohamed Salah

Personal information
Full name	Mohamed Salah Ghaly
Date of birth	15 June 1992 (age 22)
Place of birth	Basion, El Gharbia, Egypt
Height	1.75 m (5 ft 9 in)
Playing position	Winger
Timu ya sasa
Current team	Chelsea
Number	15
Timu za vijana
2006–2010	El Mokawloon
Timu za ukubwani
Years	Team	Mechi	(Goli)
2010–2012	El Mokawloon	41	(11)
2012–2014	Basel	47	(9)
2014–	Chelsea	10	(2)
Timu ya taifa
2010–2011	Egypt U20	11	(3)
2011–2012	Egypt U23	11	(4)
2011–	Egypt	29	(17)

SIO NDOKI NG"O MAN CITY - TOURE NIPO SANA

KIUNGO mahiri wa klabu ya Manchester City, Yaya Toure amesema kuwa hana mpango wa kuondoka kwa mabingwa hao wa Ligi Kuu na kudai ataendelea kuwepo hapo kwa msimu mwingine unaokuja. Toure aliiambia luninga ya Sky Sport kuwa mashabiki wa timu hiyo wamekuwa wema kwake na kwa familia hivyo ameona ni bora abaki kwa ajili yao.  kuhamia katika vilabu mbalimbali toka wakala wake Dimitry Seluk Vyombo vya habari vimekuwa vikimhusisha kiungo huyoalipoandika katika ukurasa wake wa mtandao wa kijamii wa twitter kuwa nyota huyo hajatulia. Seluk alitoa madai kuwa nyota huyo wa kimataifa wa Ivory Coast hakupewa utambulisho rasmi na klabu katika siku yake ya kuzaliwa wakati wa safari yao ya Abu Dhabu huku Toure mwenyewe akiunga mkono kauli hiyo. Toure amesema kwasasa mambo yote yako sawa na baada ya tetesi nyingi kuzungumziwa juu yake anaaka kufanya kitu kwa ajili ya mashabiki. Nyota huyo alijiunga na City akitokea Barcel

ona mwaka 2010 na haraka alijitengenezea jina na kua mchezaji tegemeo wa timu hiyo aliyoisaidia kushinda Kombe la FA mwaka 2011 na mataji mawili ya Ligi Kuu mwaka 2012 na 2014.

MALINZI ATOA NENO KUHUSU SUALA LA UPANGAJI MATOKEO.

RAIS wa Shirikisho la Soka nchini-TFF, Jamal Malinzi amekemea vikali wimbi la upangaji matokeo mechi za kimataifa lililoibuka huko katika nchi za bara la Asia ambapo sasa inasemekana limeshafika mpaka Afrika. 

Malinzi ametoa kauli hiyo katika futari aliyoandaa jana kwa wadau mbalimbali wa michezo kikiwemo kikosi cha timu ya taifa ya vijana chini ya umri wa miaka 17, Serengeti Boys katika ofisi za shirikisho hilo, Dar es Salaam. Malinzi amesema ana uhakika kuwa balaa hilo la upangaji mechi za kimataifa limeingia Afrika huku wanaofanya shughuli hizo wakiwashawishi viongozi, makocha na hata wachezaji ili matokeo yapatikane wanavyotaka wao.

 Malinzi amesema sio suala la kuficha tena kuhusu janga hilo na kuwaomba wadau na viongozi wa dini waliokuwepo katika shughuli hiyo kuungana ili kuwakemea vijana wao kuhusu suala hilo. Mojawapo ya viongozi mbalimbali waliohudhuria shughuli hiyo ni pamoja na Mstahiki Meya wa Manispaa ya Ilala, Jerry Slaa, Mwenyekiti wa CCM mkoa wa Dar es Salaam Ramadhani Madabida, Katibu Mkuu wa zamani wa TFF enzi hizo ikiitwa FAT Said El Maamry na viongozi mbalimbali wa timu za Ligi Kuu na Ligi Daraja la kwanza Tanzania bara.

WIKIENDI BURUDANI MWANZO MWISHO AFCON 2015-MOROCCO

RATIBA
[Saa za Bongo]
Jumamosi Julai 19
16:00 Uganda v Mauritania
16:30 Botswana v Guinea-Bissau
19:30 Sierra Leone v Seychelles
Jumapili Julai 20
16:00 Lesotho v Kenya
16:00 Tanzania v Mozambique
17:30 Congo v Rwanda
18:00 Benin v Malawi
MAKUNDI:
KUNDI A
-Nigeria
-South Africa
-Sudan
-Mshindi Congo/Rwanda
KUNDI B
-Mali
-Algeria
-Ethiopia
Mshindi Benin/Malawi
KUNDI C
-Burkina Faso
-Angola
-Gabon
-Mshindi Lesotho/Kenya
KUNDI D
-Ivory Coast
-Cameroun
-Congo DR
-Mshindi Sierra Leone/Seychelles
KUNDI E
-Ghana
-Togo
-Guinea
Mshindi Uganda/Mauritania
KUNDI F
-Zambia
-Cape Verde
-Niger
-Mshindi Tanzania/Msumbiji
KUNDI G
-Tunisia
-Egypt
-Senegal
-Mshindi Botswana/Guinea-Bissau

UEFA YAWEKA HADHARANI MAJINA 10 KUWANIA MCHEZAJI BORA ULAYA!

Katika kuelekea katika michuano ya Uefa champions Ligi Jana UEFA imetoa Majina ya wanandinga 10 Wanao gombea Tuzo yao ya Mchezaji Bora wa Mwaka na Mshindi atatangazwa hapo Agosti 28 wakati wa Droo ya Makundi ya UEFA CHAMPIONZ LIGI.

Awali Majina ya Wachezaji 35 yalipigiwa Kura na hao 10 ndio kuibuka kidedea.

Lakini Majina hayo 10 yatachujwa kwa Kura hapo Agosti 14 na kubakisha Majina Matatu yatakayopigiwa Kura na kutangazwa Mshindi hapo Agosti 28.

WASHINDI WALIOPITA:

2010–11 Lionel Messi [Barcelona]

2011–12 Andrés Iniesta [Barcelona]

2012–13 Franck Ribéry [Bayern Munich]

Wapigaji Kura ya Tuzo hii ni Jopo la Wanahabari maalum toka Nchi zote Wanachama wa UEFA.

Miongoni mwa Majina makubwa ambayo hayamo kwenye Listi hii ya Wachezaji 10 ni yale ya Zlatan Ibrahimovic, Gareth Bale na Neymar.

Lakini yapo Majina ya Wachezaji Watatu toka Kikosi kilichochukua Kombe la Dunia cha Germany Jumapili iliyopita huko Brazil na pia yupo James Rodriguez alietwaa Buti ya Dhahabu huko Brazil kwa kuwa Mfungaji Bora wa Kombe la Dunia akiichezea Nchi yake Colombia.

Bila kustajabisha, Lionel Messi na Cristiano Ronaldo, ni miongoni mwa Wagombea.

Tuzo hii ilianzisha na UEFA Mwaka 2011 ili kuziba pengo la Ballon d'Or ambayo iliunganishwa na Tuzo ya FIFA ya Mchezaji Bora Duniani na pia kuibadili ile Tuzo ya zamani ya UEFA ya Mchezaji Bora wa Mwaka kwa Klabu.

LISTI YA WAGOMBEA 10:

-Diego Costa [Spain, Atletico Madrid]

-Angel Di Maria [Argentna, Real Madrid]

-James Rodriguez [Colombia, AS Monaco]

-Luis Suarez [Liverpool (Sasa Barcelona), Uruguay]

-Philipp Lahm [Germany, Bayern Munich]

-Thomas Muller [Germany, Bayern Munich]

-Manuel Neuer [Germany, Bayern, Munich]

-Arjen Robben [Germany, Bayern Munich]

-Cristiano Ronaldo [Portugal, Real Madrid]

-Lionel Messi [Argentina, Barcelona]

KIINGILIO MECHI YA STARS, MSUMBIJI 7,000/- VITI MAALUM (VIP) 30,000/-

Viingilio kwa mechi ya Taifa Stars na Msumbiji itakayochezwa keshokutwa (Jumapili) Uwanja wa Taifa jijini Dar es Salaam ni sh. 7,000 na sh. 30,000 kwa viti maalumu 4,500 tu.
Kuanzia kesho asubuhi (Jumamosi) tiketi za kielektroniki zitauzwa pia katika magari maalumu kwenye vituo vya Buguruni Shell, Dar Live Mbagala, Ferry Magogoni, Kigamboni, OilCom Chang’ombe, OilCom Ubungo, Shule ya Sekondari Benjamin Mkapa (Kariakoo), TCC Club Chang’ombe na Uwanja wa Taifa.
Aidha tiketi zinapatikana kupitia M-PESA kwa kupiga *150*00# kisha bonyeza 4,  bonyeza tena 4 kisha weka namba ya kampuni 173399 kisha ingiza 7000 kama namba ya kumbukumbu ya malipo, kisha andika tena 7000 kwenye weka kiasi, kasha weka namba ya siri na baadaye bonyeza  1 kukubali.
Utapokea ujumbe wenye orodha ya vituo vya MaxMalipo vya kuchukua tiketi ukiwa na namba ya uhakiki wa malipo yako.
Vituo vya MaxMalipo vya kuchukulia tiketi ni mgahawa wa Steers uliopo mtaa wa Samora/Ohio, maduka makubwa ya Uchumi Supermarket (Quality Centre, Tabata Segerea na kituo cha daladala Makumbusho), Sheer Illussions (Millennium Tower na Mlimani City), maduka makubwa ya TSN Supermarket (City Centre, Kibo Tegeta na Upanga).
Vodashop (Ubungo na Mill Pamba), Shop Mwenge (Born to Shine), Puma Petrol Station (Mwenge na Uwanja wa Ndege), Engen Petrol Station (Mbezi Beach), Big Bon Petrol Station (Kariakoo, Sinza Mori, Mbagala na Temeke), YMCA (Posta Mpya), City Sports Lounge (Posta), Uwanja wa Taifa) na Uwanja wa Karume.

SEMINA ELEKEZI AIRTEL RISING STARS
Semina elekezi ya michuano ya Airtel Rising Stars kwa mikoa sita inafanyika kesho (Julai 19 mwaka huu) saa 4 asubuhi kwenye ukumbi wa mikutano wa Uwanja wa Taifa, Dar es Salaam.
Washiriki wa semina hiyo ni kutoka mikoa ya Mbeya (Katibu na mwakilishi wa wanawake), Mwanza (Katibu na mwakilishi wa wanawake), Morogoro (Katibu), Ilala (Katibu na mwakilishi wa wanawake).
Temeke (Katibu na mwakilishi wa wanawake), Kinondoni (Katibu na mwakilishi wa wanawake), Dar es Salaam (Mwenyekiti na Katibu), na Chama cha Mpira wa Miguu Zanzibar (ZFA) kitakachowakilishwa na mwakilishi wa wanawake.
Washiriki wengine katika semina hiyo ambayo mgeni rasmi atakuwa Katibu Mkuu wa TFF, Mwesigwa Selestine ni wajumbe wa Kamati ya Mpira wa Miguu wa Vijana ya TFF.
BONIFACE WAMBURA
OFISA HABARI NA MAWASILIANO
SHIRIKISHO LA MPIRA WA MIGUU TANZANIA (TFF)

STARS YAREJEA DAR, KAZIMOTO NDANI

Kikosi cha Taifa Stars kimerejea jijini Dar es Salaam leo kutoka Mbeya ambapo Jumapili (Julai 20 mwaka huu) kitapambana na Msumbiji (Mambas) kwenye Uwanja wa Taifa, Dar es Salaam.

Benchi la Ufundi la Taifa Stars pamoja

na wachezaji kesho (Julai 19 mwaka huu) saa 5 asubuhi watakuwa na mkutano na waandishi wa habari kwenye hoteli ya Protea Courtyard iliyopo Upanga Seaview jijini Dar es Salaam.
Naye mchezaji Mwinyi Kazimoto amewasili leo 1.30 asubuhi kwa ndege ya Qatar Airways kutoka Qatar ambapo anacheza mpira wa miguu katika klabu ya Al Markhiya ya huko. Stars inayodhaminiwa na Kilimanjaro Premium Lager imepiga kambi katika hoteli ya Protea Courtyard.
SERENGETI BOYS MORALI JUU
Kocha Mkuu wa Serengeti Boys, Hababuu Ali Omari amesema morali ya wachezaji wake ipo juu kwa ajili ya mechi dhidi ya Afrika Kusini (Amajimbos) itakayochezwa kesho (Julai 18 mwaka huu).
Mechi hiyo ya kwanza ya raundi ya pili ya michuano ya Afrika kwa vijana wenye umri chini ya miaka 17 itafanyika kwenye Uwanja wa Azam Complex uliopo Chamazi jijini Dar es Salaam kuanzia saa 10 jioni.
Akizungumza kwenye mkutano na waandishi wa habari kwenye ofisi za TFF jijini Dar es Salaam leo, Kocha Hababuu amesema nia ya kikosi chake ni kuhakikisha wanafika kwenye fainali za Afrika zitakazofanyika mwakani nchini Niger.
“Tunaiheshimu Afrika Kusini, lakini hatuiogopi. Morali ya wachezaji ipo juu na wanajiamini. Kimsingi wanajua kuwa hii ndiyo njia ya wao kutokea kwenye mpira wa miguu, kwa hiyo lengo ni kushinda,” amesema Kocha Hababuu.
Naye Kocha wa Afrika Kusini, Molefi Ntseki amesema anaziheshimu timu za Tanzania, na changamoto aliyonayo ni kuhakikisha kuwa anashinda mechi hiyo kwani mara ya mwisho kwa timu yake kushiriki fainali za Afrika ilikuwa miaka sita iliyopita.
Kiingilio katika mechi hiyo ni sh. 2,000 na tiketi zitapatikana uwanjani kwenye magari maalumu.
MSUMBIJI KUTUA MCHANA DAR
Timu ya Taifa ya Msumbiji (Mambas) inawasili Dar es Salaam kesho (Julai 18 mwaka huu) kwa ajili ya mechi ya michuano ya Afrika dhidi ya Taifa Stars itakayochezwa Jumapili, Uwanja wa Taifa, Dar es Salaam.
Mambas itatua Uwanja wa Ndege wa Kimataifa wa Julius Nyerere (JNIA) saa 7.30 mchana kwa ndege ya LAM ikiwa na msafara wa watu 37 ambapo kati ya hao, 25 ni wachezaji.
Wachezaji kwenye msafara huo ni Almiro Lobo, Apson Manjate, Bone Mario Uaferro, Dario Ivan Khan, Edson Sitoe, Eduardo Jumisse, Gelicio Aurelio Banze, Helder Pelembe, Josemar Machaisse, Elias Pelembe, Isac Carvalho na Jeffrey Constatino.
Wengine ni Manuel Fernandes, Manuel Uetimane, Mario Sinamunda, Momed Hagi, Reginaldo Fait, Reinoldo Mandava, Ricardo Campos, Saddan Guambe, Simao Mate Junior, Soares Victor Soares, Stelio Ernesto, Vando Justino na Zainadine Junior.
Timu hiyo itafikia kwenye hoteli ya Accomondia, na itaondoka Jumapili mara baada ya kumalizika kwa mechi hiyo itakayochezeshwa na mwamuzi Mahmoud Ashour.
LINA KESSY AUTEULIWA KUWA OFISA MICHEZO AU
Mjumbe wa Kamati ya Utendaji ya Shirikisho la Mpira wa Miguu Tanzania (TFF), Lina Kessy ameteuliwa kuwa Ofisa Michezo wa Umoja wa Afrika (AU).
Uteuzi huo umefanywa na Mwenyekiti wa Kamisheni ya AU, Nkozasana Dlamini-Zuma, na Lina atatumikia nafasi hiyo kwa mkataba wa miaka mitatu katika makao makuu ya AU yaliyopo Addis Ababa, Ethiopia.
Lina ambaye pia ni Mwenyekiti wa Chama cha Mpira wa Miguu wa Wanawake Tanzania (TWFA) amewashukuru wote ambao kwa michango yao ya hali na mali imemwezesha kufika hapo.
Ameishukuru TFF kwa kumlea na kumjenga. Shukrani nyingine amezitoa kwa Serikali kupitia Kurugenzi ya Michezo, Baraza la Michezo la Taifa (BMT) na Kamati ya Olimpiki Tanzania (TOC).
TFF inampongeza kwa uteuzi huo, na tunaamini ataipeperusha vyema bendera ya Tanzania ikiwemo kuwa chachu ya maendeleo ya michezo kwa Tanzania na Afrika kwa ujumla.
BONIFACE WAMBURA
OFISA HABARI NA MAWASILIANO
SHIRIKISHO LA MPIRA WA MIGUU TANZANIA (TFF)