KAVUMBAGU ATUA AZAM KWA MKATABA WA MWAKA MMOJA.

Mshambuliaji Didier Kavumbagu mchana wa leo amesaini mkataba wa mwaka mmoja na mabingwa wapya wa ligi kuu soka Tanzania bara, klabu ya Azam fc.

Mtandao wa Mkali wa dimba tz umafanikiwa kuthibitisha Taarifa hii kwa afisa habari wa  Azam fc, wana Lambalamba, Jafari iddi maganga 

Maganga amesema Kavumbagu tumem

alizana nae na amesaini rasmi mkataba wa mwaka mmoja, hivyo basi tutakuwa nae msimu ujao kwenye kampeni ya kutetea ubingwa wetu pamoja na michuano ya klabu bingwa ya Afrika.

Kavumbagu ambae ni Mshambuliaji mahiri na nahodha wa timu ya Taifa ya Burundi ameamua kumwaga wino Azam baada ya Uongozi wa Yanga kusuasua kumpa mkataba mwingine baada ya ule wa miaka miwili kumalizika.

Maganga amesema kuwa lengo la kuanza usaji mapema ni kuweka mipango mathubuti katika kuhakikisha azam fc inakuwa timu bora na kuweza kukiweka imara kikosi hicho katika msimu ujao pamoja na ligi ya mabingwa barani africa

MALAWI KUWASILI MEI 1 KUIVAA STARS

Timu ya Taifa ya Malawi (Flames) inatarajiwa kuwasili nchini Mei 1 mwaka huu kwa ajili ya mechi ya kirafiki dhidi ya Taifa Stars itakayochezwa Mei 4 mwaka huu kwenye Uwanja wa Kumbukumbu ya Sokoine jijini Mbeya.

Flames yenye msafara wa 31 utakaoongozwa na mjumbe wa Kamati ya Utendaji ya Chama cha Mpira wa Miguu cha Malawi (FAM) utaingia Mbeya kwa usafiri wa barabara. Wachezaji katika msafara huo ni 20.

Taifa Stars inayodhaminiwa na Kilimanjaro Premium Lager ikiwa chini ya Kocha mpya, Mart Nooij tayari ipo jijini Mbeya kujiwinda kwa mechi hiyo ikiwa ni sehemu ya maandalizi ya mechi ya mashindano dhidi ya Zimbabwe itakayochezwa jijini Dar es Salaam kati ya Mei 16 na 18 mwaka huu.

LIGI YA MABINGWA WA MIKOA KUANZA KUTIMUA VUMBI MEI 10

Ligi ya Mabingwa wa Mikoa (RCL) msimu wa 2013/2014 itakayochezwa kwa mkondo mmoja inaanza kutimua vumbi Mei 10 mwaka huu katika vituo vitatu vya timu tisa kila kimoja.

Tmu itakayoongoza katika kila kituo cha ligi hiyo itakayomalizika Juni 2 mwaka huu ndiyo itakayopata tiketi ya kucheza Ligi Daraja la Kwanza (FDL) kwa msimu ujao wa 2014/2015. Vituo hivyo ni Mbeya, Morogoro na Shinyanga.

Kituo cha Morogoro ambapo mechi zitachezwa Uwanja wa Jamhuri kitakuwa na timu za Abajalo FC ya Dar es Salaam, African Sports (Tanga), Bulyanhulu FC (Shinyanga), Kariakoo SC (Lindi), Kiluvya United (Pwani), Mji Mkuu FC (Dodoma) Mshikamano FC (Dar es Salaam), Navy FC (Dar es Salaam) na Pachoto FC (Mtwara).  

Uwanja wa Sokoine ndiyo utakaotumika katika kituo cha Mbeya chenye timu za AFC ya Arusha, Magereza FC (Iringa), Mpanda United SC (Katavi), Njombe Mji FC (Njombe), Panone FC (Kilimanjaro), Tanzanite SC (Manyara), Town Small Boys (Ruvuma), Ujenzi (Rukwa) na Volcano FC (Morogoro).

Timu za Eleven Stars ya Kagera, Geita Veterans (Geita), JKT Rwamkoma FC (Mara), Mbao FC (Mwanza), Milambo SC (Tabora), Mvuvumwa FC (Kigoma), Simiyu United (Simiyu), Singida United (Singida) na Wenda FC (Mbeya) zitacheza katika kituo cha Shinyanga kwenye Uwanja wa Kambarage.

Orodha ya usajili wa wachezaji wa timu zote kwa ajili ya RCL imetumwa kwa vyama vya mpira wa miguu vya mikoa na klabu zote za RCL, FDL na Ligi Kuu ya Vodacom (VPL) kwa ajili ya kipindi cha pingamizi ambacho kinamalizika Mei 4 mwaka huu.

Hata hivyo, katika usajili uliowasilishwa na baadhi ya klabu imebainika kuwa kuna wachezaji walioshiriki VPL, FDL na wale U20 za VPL waliocheza ligi msimu wa 2013/2014.

Kiongozi yeyote atakayebainika katika udanganyifu kwenye usajili huo, awe wa klabu au chama cha mpira wa miguu cha mkoa atachukuliwa hatua kwa mujibu wa kanuni ikiwemo kufikishwa katika vyombo vya kimaadili vya TFF kwa hatua zaidi.
Ligi ya Mabingwa haina mdhamini, hivyo timu shiriki zitajitegemea kwa kila kitu, na zinakumbushwa kuwahi vituoni.

UEFA CHAMPIONZ LIGI LEO UWANJA KUWAKA MOTO

NUSU FAINALI:

Marudiano

[Mechi zote Saa 3 Dakika 45 Usiku]

[Kwenye Mabano Matokeo Mechi ya Kwanza]

Jumanne Aprili 29

Bayern Munich v Real Madrid [0-1]

Jumatano Aprili 30

Chelsea v Atletico Madrid [0-0]

DONDOO MUHIMU:

-Rekodi ya Bayern Munich wakiwa Nyumbani kwao dhidi ya Real Madrid ni Ushindi: 8, Sare: 1 Kufungwa: 0.

-Real Madrid wameshinda mara 2 tu katika safari zao 27 Nchini Germany, mojawapo ikiwa ni ushindi wa Bao 6-1 dhidi ya FC Schalke katika Raundi ya Mtoano ya Timu 16 Msimu huu.

KLABU AFRIKA: DROO ZA MAKUNDI KUFANYIKA KESHO

DROO za kupanga Makundi ya CAF CHAMPIONZ LIGI na Kombe la Shirikisho itafanyika Jumanne Aprili 29 huko Makao Makuu ya CAF Jijini Cairo Nchini Misri.

Kwenye CAF CHAMPIONZ LIGI zipo Timu 8 zilizofuzu hatua hii na Droo hiyo itapanga Makundi mawili ya Timu 4 kila moja ambayo yatacheza mtindo wa Ligi, Nyumbani na Ugenini, ili kupata Timu mbili za juu toka kila Kundi kucheza Nusu Fainali.

Timu hizo 8 ni:

-Al-Ahly Benghazi ya Libya

-Al-Hilal ya Sudan

-AS Vita Club ya Congo DR

-CS Sfaxien ya Tunisia

-Espérance de Tunis ya Tunisia

-ES Sétif ya Algeria

-TP Mazembe ya Congo DR

-Zamalek ya Egypt

Mechi za Makundi zitaanza Wikiendi ya Mei 16 hadi 18.

CAF Kombe la Shirikisho

Kwenye CAF Kombe la Shirikisho, Droo ya hapo kesho Jumanne pia itashirikisha Timu 8 ambazo nazo zitagawanywa Makundi mawili ya Timu 4 kila moja ambayo yatacheza mtindo wa Ligi, Nyumbani na Ugenini, ili kupata Timu mbili za juu toka kila Kundi kucheza Nusu Fainali.

Timu hizo 8 ni:

-Sewe Sport - Ivory Coast

-Al Ahly – Egypt

-AS Real de Bamako – Mali

-AC Leopards de Dolisie – Congo

-ASEC Mimosas Abidjan - Ivory Coast

-Coton Sport FC – Cameroon

-E.S. Sahel – Tunisia

Mechi za Makundi zitaanza Wikiendi ya M

ei 16 hadi 18.

CAF Kombe la Shirikisho

Marudiano

[Kwenye Mabano Jumla ya Mabao kwa Mechi mbili]

Jumamosi Aprili 26

Bayelsa United – Nigeria 0 Sewe Sport - Ivory Coast 1 [0-3]

Difaa Hassani El Jadidi – Morocco 2 Al Ahly – Egypt 1 [2-2, Al Ahly yasonga kwa Bao la Ugenini]

Jumapili Aprili 26

Djoliba AC – Mali 0 AS Real de Bamako – Mali 0 [1-2]

Medeama – Ghana 2 AC Leopards de Dolisie – Congo 0 [2-2, Penati 4-5]

ASEC Mimosas Abidjan - Ivory Coast 1 Kaizer Chiefs - South Africa 0 [3-1]

Petro Atlético de Luanda - Angola 2 Coton Sport FC – Cameroon 2 [3-4]

E.S. Sahel – Tunisia 1 Horoya Athlétique Club – Guinea 0 [1-0]

C. A. Bizertin – Tunisia 1 Nkana FC – Zamba 1 [1-1]

BRENDAN RODGRERS ASEMA CHELSEA WALIPAKI MABASI 2 GOLINI.

Wakati Jose Mourinho akijisifia kwamba timu bora imeshinda, kocha wa Liverpool Brendan Rodgers akiongea na waandishi wa habari ameipaka timu ya Chelsea kwa aina ya uchezaji wao.

Chelsea wamepunguza kasi za Liverpool kushinda taji la ubingwa wa EPL baada ya miaka mingi kwa kuwafunga magoli 2 bila huku wakililinda goli lao kwa idadi kubwa ya wachezaji wakiwa ndani ya 18.

Kocha wa Liverpool amesema Chelsea walipaki mabasi mawili golini kwao na ilikuwa ni vigumu kwa wao kupita kujaribu kupata goli.

Licha ya ushindi huo mashabiki wengi wa soka kwenye mtandao wa goal.com wakati post hii inawekwa wameipa nafasi kubwa Manchester city(44.4%) kuchukua taji hilo. Kura hizo zimeipa Liverpool(41%) nafasi ya pili na kumaliza na Chelsea(14.6%).

PFA-LUIS SUAREZ TUZO YA MCHEZAJI BORA WA MWAKA:

Mshambuliaji wa Liverpool Luis Suarez ametwaa Tuzo ya England ya Mchezaji Bora wa Mwaka ya PFA [Professional Footballers' Association], Chama cha Wanasoka wa Kulipwa, hapo Jana.

Msimu uliopita, kipindi kama hiki, Luis Suarez alikuwa akianza kutumikia Adhabu ya Kifungo cha Mechi 10 baada kumuuma Meno Mchezaji wa Chelsea, Branislav Ivanovic, lakini safari hii ni kidedea.

Suarez alikabidhiwa Tuzo yake Jana Usiku kwenye Hoteli ya Kifahari, Grosvenor House, Jijini London mara baada ya kuruka kutoka Jijini Liverpool baada ya Mechi yao Uwanjani kwao Anfield walikofungwa Bao 2-0 na Chelsea.

Msimu huu, Suarez amefunga Bao 30 katika Mechi 31 za Ligi licha ya k

uzikosa Mechi za mwanzo wa Msimu akiwa bado Kifungoni.

Mchezaji wa Chelsea, Eden Hazard, ambae hakucheza hiy

o Jana huko Anfield, alitwaa Tuzo ya England ya Mchezaji Bora Kijana wa Mwaka ya PFA.

Kwenye Timu Bora ya Mwaka ya PFA ya Ligi Kuu England, Suarez alijumuika na wenzake wa Liverpool, Daniel Sturridge na Nahodha wao Steven Gerrard.

Chelsea pia walikuwa na Wachezaji watatu ambao ni Petr Cech, Gary Cahill na Hazard.

Manchester City inawakilishwa na Vincent Kompany na Yaya Toure huku Southampton ikiwa na wawili, Luke Shaw na Adam Lallana.

Mabingwa Watetezi, Manchester United nar Arsenal, haina hata Mchezaji mmoja.

PFA-LIGI KUU ENGLAND-TIMU YA MWAKA: Petr Cech (Chelsea); Luke Shaw (Southampton), Vincent Kompany (Manchester City), Gary Cahill (Chelsea), Seamus Coleman (Everton); Eden Hazard (Chelsea), Yaya Toure (Manchester City), Steven Gerrard (Liverpool), Adam Lallana (Southampton); Luis Suarez (Liverpool), Daniel Sturridge (Liverpool)

WANASOKA BORA WA MWAKA ENGLAND

Mchezaji Bora wa Mwaka: Luis Suarez (Liverpool).
Mchezaji Bora Chipukizi wa mwaka: Eden Hazard (Chelsea).
Mchezaji Bora wa kike wa Mwaka: Lucy Bronze (Liverpool Ladies).
Mchezaji Bora chipukizi wanawake: Martha Harris (Liverpool Ladies).