NFA YA ZAMBIA YAMNYEMEREA PHIRI KUIONOA TIMU YA TAIFA

Shirikisho la Soka la Namibia (NFA), limeendelea kuonyesha nia ya kumpata Kocha Patrick Phiri kukinoa kikosi chake cha timu ya taifa.

Mmoja wa mtandao wa michezo wa Namibia umeandika kuwa NFA imefanya mazungumzo na Phiri kumshawishi ajiunge na kuchukua nafasi ya kocha wa sasa.

Kwa sasa, Namibia inanolewa na nyota wake wa zamani, Ricarco Manetti ambaye aliwahi kung’ara na Santos ya Afrika Kusini.

Akizungumzia hilo Phili kutoka Lusaka Zambia amekiri kwa mara nyingi kuwa aliwahi kuzungumza na uongozi wa NFA lakini si hivi karibuni.

Phiri yuko mapumzikoni kwao nchini Zambia, anatarajiwa kurejea nchini siku chache zijazo kiuendelea na kazi.

RONALDO NAE YU MBIONI KUVUNJA REKODI LA LIGA"MESSI SAFI

WAKATI Mshambuliaji wa Barcelona Lionel Messi Jana akivunja Rekodi na kuwa Mfungaji Bora katika Historia ya La Liga, Cristiano Ronaldo yuko mbioni kuivunja Rekodi ya kufunga Bao nyingi katika Msimu mmoja wa Ligi hiyo ambayo inashikiliwa na Messi.

Messi aliweka Rekodi ya Bao nyingi katika Msimu mmoja kwenye Msimu wa 2011/12 alipofunga Bao 50.

Lakini Jana Ronaldo alifunga Bao 2 wakati Timu yake Real Madrid inaichapa Eibar Bao 4-0 na sasa amefikisha Bao 20 katika Mechi 11 za La Liga Msimu huu kwa jinsi mwendo wake wa kufunga Mabao ulivyo Msimu huu Wachambuzi wanahisi Ronaldo, ambae ni Mchezaji Bora Duniani, anao uwezo wa kufunga zaidi ya Mabao 60 kwa Msimu huu.

Tayari Ronaldo, mwenye Miaka 29, ameweka Rekodi ya kuwa Mchezaji wa kwanza katika Historia ya La Liga kufikisha Bao 20 katika Raundi 12 za mwanzo za Ligi za Msimu huu.

Tangu ajiunge na Real kutoka Manchester United Mwaka 2009, Ronaldo amefunga Mabao 197 kwa Mechi 176 za La Liga na Messi Mabao 253 katika Mechi 289 kuanzia 2004 ambayo ndio hiyo Rekodi ya kuwa Mfungaji Bora katika Historia ya La Liga.

Lakini pia vita hii ya Rekodi za Magoli kati ya Ronaldo na Messi zitaendelea tena kati Wiki wakati Real na Barcelona zitakapojikita kwenye Mechi za 5 za Makundi yao ya UEFA CHAMPIONZ LIGI, UCL.

Kwenye UCL, Messi amefunga Bao 71 sawa na Mchezaji wa zamani wa Real, Raul, na wao ndio wanaongoza Kihistoria katika Ufungaji Bora kwa Ulaya lakini Ronaldo akiwa na Bao 70 yuko nyuma kwa Bao 1.

Jumanne Barcelona wako Ugenini huko Cyprus kucheza na Apoel Nicosia na Jumatano Real nao wako Ugenini kucheza huko Uswisi na FC Basel.

LIVERPOOL HOI VIPIGO MFULULIZO WAKAA 3-1 KWA C"PALACE

Majogoo wa Jiji la Landon Liverpool wakiwa katika dimba la Ugenini huko Selhurst Park Jijini London waliongoza baada ya Sekunde 90 tu Bao la Rickie Lambert lakini walijikuta wakiambulia kipigo cha Bao 3-1 na Crystal Palace katika Mechi ya Ligi Kuu England.

Palace walisawazisha Bao katika Dakika ya 17 kwa Bao la Dwight Gayle alienasa Shuti la Yannick Bolasie lililopiga Posti na kumrudia.

Kipindi cha Pili Dakika ya 78 Joe Ledley aliwapeleka Palace mbele 2-1 na kisha Dakika 3 baadae Frikiki ya Mita 25 ya Mile Jedinak ilitinga na kuwapa Palace Bao lao la 3.

Mechi hii imewaacha Wadau wa Liverpool wakihoji uchezaji wa Nahodha wao Steven Gerrard na Raheem Sterling ambao wameonyesha kufifia mno.

Kipigo hiki cha Leo kinawafanya Liverpool wawe wamechapwa Mechi 3 mfulilizo za Ligi na kushinda Mechi 1 tu kati ya 5 zilizopita na kuwaacha wakiwa Nafasi ya 12 wakiwa Pointi 18 nyuma ya Vinara Chelsea.

Katika Mechi zao 2 zilizopita, Liverpool wametandikwa 2-1 na Chelsea na 1-0 na Newcastle.

LIGI KUU ENGLAND

RATIBA/MATOKEO:

Jumapili Novemba 23

Crystal Palace 3 Liverpool 1        

1900 Hull City v Tottenham  

Jumatatu Novemba 24

2300 Aston Villa v Southampton 

Jumamosi Novemba 29

1545 West Brom v Arsenal

1800 Burnley v Aston Villa          

1800 Liverpool v Stoke              

1800 Man Utd v Hull                 

1800 QPR v Leicester                

1800 Swansea v Crystal Palace            

1800 West Ham v Newcastle                

2030 Sunderland v Chelsea                     

MSIMAMO:

BASI LINALOTUMIA KINYESI LIMEANZA SAFARI YAKE YA KWANZA.

Basi la kwanza nchini Uingereza linalotumia kinyesi na uchafu unaotokana na chakula limeanza safari yake ya kwanza.

Bio Bus,lenye viti 40 na ambalo linatoa huduma ya uchukuzi kati ya Bath na uwanja wa ndege wa Bristol ,linaweza kusafiri hadi maili 186 kwa kutumia tangi moja la gesi.

Gesi hiyo hupatikana kupitia kutibu maji taka na uchafu wa chakula usiofaa kwa matumizi ya binaadamu.

Uchafu unaopatikana katika abiria wa basi moja unaweza kutumiwa kutoa kawi ya kulisafarisha basi hilo kutoka Lands End hadi John O'Groats.

Basi hilo ambalo limepewa majina kadhaa ya kutungwa likiwemo lile la Basi la pili linapongezwa kama njia mojawapo ya kuchochea usafiri wa uma huku ukiimarisha ubora wa hewa jijini.

Gasi inayotumiwa kuliendesha gari hilo hutoka katika mradi wa maji taka wa Bristol ambao husimamiwa na GENeco ambyo ni kampuni tanzu ya Wassex Water.

Mohammed saddiq,meneja mkurugenzi wa kampuni ya GENeco ,anaamini chakula na maji taka yanaweza kutoa kawi ya Biomethane inayotoa gesi katika shirika la kitaiafa la gesi inayoweza kutoa gesi yenye uwezo wa kutumika katika nyumba 8,500 mbali na kuliendesha basi hilo la Bio.

HENRY ATARAJIWA KUTUA KWA WENGER KUWA MKUFUNZI.

Timu ya Arsenal ipo katika harakati za kumpatia aliyekuwa mshambulizi wa timu hiyo Thiery Henry fursa ya ukufunzi katika timu hiyo kulingana na gazeti la daily mail.

Kandarasi ya raia huyo wa Ufaransa katika kilabu ya New York Red Bulls inatarajiwa kuisha mwisho wa msimu wa ligi ya soka ya marekani MLS mwezi ujao na hajasema ni hatua gani anayotarajia kuchukua.

Wengi wanaamini kwamba kampeni hiyo itakamilisha harakati zake kama mchezaji na huenda Arsene Wenger akamchukua katika klabu hiyo.

Na alipoulizwa iwapo Henry anaweza kurudi katika klabu hiyo kama kocha ,Wenger alijibu kwamba hakuna lisilowezekana.''Mimi huwakaribisha watu ambao wameichezea timu hii''.

Nimewaona wengi ambao wana uwezo lakini wameshindwa katika fursa yao ya kwanza kwa kuwa hawakuwa tayari.

CAF YAMTEUA SAM MPENZU KUTOKA TZ MCHUZO WA AFCON 2015.

Shirikisho la Soka Africa (Caf) limemteua mwamuzi kutoka nchini Tanzania, Samwel Mpenzu kushiriki kwenye mchujo wa kuwapata waamuzi watakaochezesha michuano ya Kombe la Mataifa ya Afrika (Afcon 2015) inayotarajiwa kufanyika mwakani nchini Equatorial Guinea.

Iwapo Mpenzu atafuzu mchujo huo, atakuwa ni Mtanzania wa tatu kuchezesha michuano mikubwa kama hiyo barani Afrika, waamuzi wengine waliowahi kuchezesha ni Omar Abdulkadir na Ferdinand Chacha aliyechezesha Afcon (U-21).

Mwenyekiti wa Kamati ya Waamuzi ya Shirikisho la Soka Tanzania (TFF), Salumu Umande, amesema kuwa wameshapokea taarifa hizo za kuteuliwa kwa Mpenzu na tayari ameshawasili nchini Misri kwa ajili ya mchujo huo ambao unatarajiwa kufanyika kati ya leo (Jumamosi) na kesho.

Amesema kuwa iwapo atafanikiwa kufuzu kwenye mchujo huo, atapata nafasi ya moja kwa moja ya kuchezesha fainali hizo, kitu ambacho kitakuwa ni hatua kubwa kwa waamuzi wa Tanzania kwani kwa miaka mingi hakuna mwamuzi hata mmoja kutoka Tanzania aliyepata nafasi hiyo.

JE WAJUA:MBEYA CITY,PRISON,STAND HAZINA MCHEZAJI ALICHEZA SIMBA WALA YANGA

Tanzani Prisons,Mbeya City na Stand United ndizo timu pekee ambazo hazijafanikiwa kutwaa mchezaji yeyote aliyewahi kucheza Yanga ama Simba katika vikosi vyao msimu huu.

Baada ya kuchezwa mechi saba, uchunguzi umeonyesha kuwa Yanga ina wachezaji 20 na Simba 19 wanaocheza katika timu 11 kati ya 14 zinazoshiriki ligi hiyo.

Timu ambazo zina wachezaji waliowahi kucheza Simba na Yanga kwa vipindi tofauti na sasa wapo timu hizo ni Azam, JKT Ruvu, Kagera Sugar, Mgambo Shooting, Mtibwa Sugar, Ndanda, Polisi Morogoro, Ruvu Shooting , Simba na Yanga.

Hali hiyo inawapa nafuu Yanga na Simba katika baadhi ya michezo yao kwani kuna kasumba ya baadhi ya wachezaji kuwa na unazi uliopitiliza kwa vigogo hao.

Madai ya mapenzi ya Usimba na Uyanga yamewakuta  wachezaji wengi wanapocheza dhidi ya timu zao za zamani huku baadhi yao wakituhumiwa kucheza chini ya kiwango kisa walitoka kwenye mojawapo ya timu hizo.

Hata hivyo, Simba imeonekana kuwa na wachezaji wengi wa Yanga wakati watani zao, Yanga wameonyesha wana idadi kubwa ya wachezaji kwenye kikosi cha JKT Ruvu na Azam.

Wachezaji waliowahi kuichezea Simba ambao sasa wapo Yanga ni Deogratius Munishi ‘Dida’, Juma Kaseja, Ali Mustapha ‘Barthez’ na beki Kelvin Yondani, wakati wachezaji waliopo Simba na ambao wamewahi kupita Yanga ni Amri Kiemba, Ivo Mapunda na Emmanuel Okwi.

Simba pia ina wachezaji wawili JKT Ruvu ambao ni Ramadhan Shamte na Jabir Aziz, wakati Yanga katika kikosi cha maafande hao ina wachezaji watatu ambao ni Benjamin Haule, Jackson Chove na  Reliant Lusajo.

Yanga ina wachezaji watatu Azam, Frank Domayo, Gaudence Mwaikimba na Didier Kavumbagu, wakati watani zao Simba pia wana wachezaji wawili kwenye kikosi cha mabingwa hao, ambao ni Said Morad na Shomari Kapombe.

Katika kikosi cha Mtibwa Sugar, Simba ina wachezaji wawili, Mussa Hassan Mgosi na Abdallah Juma, wakati Yanga wana Vicent Barnabas, Said Mohamed na David Luhende. Kwenye kikosi cha Kagera Sugar, Yanga wana wachezaji Abubakary Mtiro na Atupele Green, wakati Simba wana Adam Kingwande na Salum Kanoni.

Polisi Morogoro, Simba inajivunia wachezaji Edward Christopher, Danny Mrwanda na Salum Machaku, wakati Yanga inajivunia Chacha Marwa na Lulanga Mapunda.

Yanga pia ina wachezaji wawili Coastal Union ambao ni Hussein Sued na Razack Khalfan, wakati watani zao Simba hawana mchezaji yeyote kwenye kikosi hicho, lakini wanawazidi Yanga kwani wana wachezaji wawili Ndanda ambao ni Paul Ngalema na Wilbert Mweta na wapinzani wao hawana mchezaji ndani ya kikosi hicho.

Source:Mwananchi